Pagesat me sistemin e ri (Albanian Electronic Clearing House–AECH)

[Gerrard]

Pas një viti prezantimi, sistemi i kryqëzimit të pagesave me vlerë të vogël (Albanian Electronic Clearing House–AECH) është gati për t’u vënë në punë nga ana e sistemit bankar të nivelit të dytë, duke bërë të mundur pagesat e ndryshme në vlerë të vogël


Klientët e bankave të nivelit të dytë do të kenë mundësinë të paguajnë pranë sporteleve të këtyre institucioneve të gjitha faturat e marra nga ndërmarrjet që ofrojnë shërbime publike si ujë, energji elektrike, gaz, telefon etj. Pagesat, që tani e tutje mund të realizohen në të gjitha sportelet e bankave të nivelit të dytë, pasi këto të fundit kanë nënshkruar të gjitha marrëveshjet, në bazë të së cilave bien dakord për të instaluar sistemin e pagesave me vlerë të vogël.
Projekti për ndërtimin e sistemit të kryqëzimit të pagesave me vlerë të vogël (AECH) është i dyti në radhë pas projektit për sistemin e pagesave ndërbankare (AIPS). Projekti AECH synon automatizimin e shërbimit të kleringut, që Banka e Shqipërisë u ofron bankave të nivelit të dytë për përpunimin e pagesave të klientëve të tyre.


Përfitimet që vijnë nga zbatimi i këtij projekti
Zbatimi i këtij sistemi pagesash do të sjellë përfitime të ndjeshme për sistemin kombëtar të pagesave në drejtim të rritjes së shpejtësisë, uljes së kostove dhe rritjes së sigurisë në përpunimin e tyre.
Palët pjesëmarrëse në këtë projekt janë: grupi i punës i krijuar në Bankën e Shqipërisë, grupi i posaçëm i kompanisë Montran dhe komiteti i koordinatorëve të bankave të nivelit të dytë.


Shërbimet e ofruara nga sistemi i kryqëzimit të pagesave me vlerë të vogël
Pagesat e kryera deri tani në sportelet e shoqërive që ofrojnë shërbime publike, pas futjes në zbatim të sistemit të kryqëzimit të pagesave me vlerë të vogël, mund të realizohen në të gjitha sportelet e bankave të nivelit të dytë. Transaksioni fillon që në momentin e përgatitjes së dokumentacionit.
Shoqëria që ofron shërbimin publik llogarit dhe shpërndan faturat për konsumin periodik (për shembull faturat mujore të energjisë, të telefonit etj.) të klientëve të saj, bashkëngjitur edhe urdhërpagesën, të plotësuar pjesërisht prej saj. Urdhërpagesa dorëzohet nga klienti (paguesi i faturës) te banka e tij, ku bëhet dhe autorizimi i pagesës. Ky standard në letër urdhërpagese mund të paraqitet në çdo kohë në sportelet e çdo banke, dhe është i pranueshëm nga të gjitha bankat (që e kanë nënshkruar këtë marrëveshje).


Sistemi, ndikime të rëndësishme në uljen e cash-it në ekonomi
Sistemi i kryqëzimit të pagesave me vlerë të vogël ka një rëndësi të veçantë, jo vetëm për rritjen e shpejtësisë e të eficensës së realizimit të transaksioneve, por, nga ana tjetër, ai ka një ndikim të rëndësishëm në uljen e parasë cash në ekonomi. Tashmë janë në plan një sërë projektesh, të cilat synojnë ta ulin sasinë e parasë cash, siç është, p.sh. kalimi i pagave të punonjësve buxhetorë nëpërmjet bankave, sistemi i pagesave të mëdha AIPS, pagesat e pjesës më të madhe të transaksioneve të biznesit nëpërmjet bankave etj.



BANKAT NËNSHKRUESE
1. BANKA E SHQIPËRISË
2. BANKA KOMBËTARE TREGTARE
3. BANKA RAIFFEISEN
4. BANKA E BASHKUAR E SHQIPËRISË
5. BANKA ITALO-SHQIPTARE
6. BANKA DARDANIA
7. BANKA E TIRANËS
8. BANKA KOMBËTARE E GREQISË
9. BANKA EMPORIKI
10. BANKA ALPHA
11. BANKA AMERIKANE E SHQIPËRISË
12. BANKA E PARË E INVESTIMEVE
13. BANKA PROCREDIT
14. BANKA NDËRKOMBËTARE TREGTARE
15. BANKA CREDINS
16. BANKA POPULLORE
17. BANKA E KREDITIT TË SHQIPËRISË


Ketu mund te diskutojme rreth perdorimit dhe te mirave qe ka sjell ky sistem i ri ne Shqiperi.

Mund tiu nxjerr dhe imazhe rreth regjistrimeve.

[Gerrard]

Pershendetje!!

Te mirat e ketij sistemi te ri jan.

Dhe ne rast vonese per detyrimet nuk mbahet kamat per vonese. Mund te besh pagesen dhe me ane te kartes se kreditit online me nje numer llogarie qe hapet ne moment. Ke lehtesime ne page pa u torturuar neper radhra. Nqs ke nje biznes te le kohen e duhur per te shlyer pagesat e duhura me keste mujore. Jan disa faktore qe te ndihmojne dhe te lehtesojne veprimet e bera deri dije qe beheshin neper Qendrat e Lagjeve.

Urime per punen dhe suksese ne futjen e teknolligjise.

Lexim te kendshem

Trendafili